როგორ შევარჩიოთ ნოუთბუქი

ნოუთბუქის შეძენა განსხვავდება სმარტფონის შეძენისგან, რომელსაც ერთ ან ორ წელიწადში შეცვლით. სწორად შერჩეული ნოუთბუქი 5-6 წლის განმავლობაში მოგემსახურებათ. შესაბამისად, მისი შერჩევისას მაქსიმალური ყურადღება უნდა გამოვიჩინოთ.

პირველ რიგში უნდა დავფიქრდეთ იმაზე, თუ რაში უნდა გამოვიყენოთ ნოუთბუქი: იქნება ეს ინტერნეტი, საოფისე პროგრამები, თამაშები, პროგრამირება თუ გრაფიკულ რედაქტორებში მუშაობა (მაგალითად Adobe Photoshop). ასევე, უნდა გავითვალისწინოთ ის თუ რამდენად ხშირად მოგიწევთ ნოუთბუქის თან წაღება, მაგალითად: უნივერსიტეტში ან სხვა და სხვა შეხვედრებზე.

პირველ რიგში გასათვალისწინებელია პროცესორის სერია:
თუ ბიუჯეტში ხართ შეზღუდული და ამავდროულად ძირითადად მუშაობა გიწევთ საოფისე პროგრამებში (MS Word, Excel, PowerPoint და ა.შ.) Intel i3Intel i3 ან AMD R3 სერიის პროცესორები იქნება იდეალური.
თუ გინდათ, რომ ნოუთბუქმა „თამაშები გაგიქაჩოთ“ ან ერთად უამრავი პროგრამის გაშვება გიყვართ, მაშინ Intel i5 ან AMD R5 სერიის პროცესორებს უნდა მიანიჭოთ უპირატესობა.
ყველაზე თანამედროვე და მძლავრი თამაშები, ისევე როგორც რთული გრაფიკული პროგრამები, 3D და არქიტექტურული პროგრამები, ვიდეო და აუდი მონტაჟის პროგრამები ხშირად მოითხოვს Intel i7 ან AMD R7 სერიის პროცესორებს.

შენიშვნა: სერვერული და რთული პროგრამების მინიმალური მოთხოვნები გადაამოწმეთ თავად პროგრამების დეველოპერებთნ (ოფიციალურ ვებ გვერდზე) ან ქსელის ადმინისტრატორებთან.

ზოგადად შერჩევისას, აქცენტი ორ რამეზე უნდა გააკეთოთ:

1. ის რაც ყველაზე მეტად გჭირდებათ და რასთან ყოველდღიური შეხება გექნებათ;
2. ის ფაქტორები რაც გაგაღიზიანებთ და შეგაფერხებთ მუშაობისას.

მაგალითად: ბევრ თანამედროვე ლეპტოპს აქვს თაჩსქრინის ფუნქცია, რა თქმა უნდა, ასეთი ნოუთბუქი უფრო ძვირია, დაფიქრდით რამდენად მნიშვნელოვანია თქვენთვის ასეთი ძვირი ფუნქცია? რამდენად ხშირად მოგიწევთ ამ ფუნქციის სახატავად გამოყენება? მეორე მაგალითი გახლავთ ულტრა თხელი და ულტრა მსუბუქი ნოუთქბუქი: თუ იგი სახლში ან ოფისში უნდა გედოთ, მაშინ ფულს ტყვილად დახარჯავთ. იმ შემთხვევაში თუ ხშირად გიწევთ პრეზენტაციებზე გასვლა და ნოუთბუქის ჩანთით ტარება ზედმეტი თანხის გადახდით თქვენ თქვენს ზურგსა და ხერხემლის მალებს გაუფრთხილდებით. ასევე თუ მუშაობა გიწევთ მხოლოდ საოფისე პროგრამებში და ინტერნეტში ეკრანის სტანდარტული დიაგონალის მქონე ნოუთბუქი (13 ან 15 დიუმი) სავსებით დაგაკმაყოფილებთ, თუ გრაფიკულ პროგრამებში გიწევთ მუშაობა სჯობს გაუფრთხილდეთ თქვენს მხედველობას და 17 დიუმის დიაგონალის ეკრანის მქონე ნოუთბუქის სასარგებლოდ გააკეთეთ არჩევანი.
რაც შეეხება გამაღიზიანებელ ფაქტორებს აქ ყველაფერი ინდივიდუალურია: ზოგს ფერი აღიზიანებს, ზოგს კი ეკრანის ჩარჩოს ზომა, ზოგს კი ეს ჩარჩო პირიქით, დიზაინის მნიშვნელოვან ელემენტად მიაჩნია.

მცირე მაგრამ საკმაოდ მნიშვნელოვან დეტალს, კლავიატურა წარმოადგეს. კლავიშების ზომა და მასალა მათი „სირბილე“, ასევე თუ ბუღალტერი ბრძანდებით და ციფრებთან გიწევთ მუშაობა უმჯობესია ე.წ. "Numeric Keyboard" შეარჩიოთ, სადაც ციფრები და მათემატიკური ნიშნები ცალკეა გამოყოფილი - შესაბამისად შეძლებთ ციფრები შეიყვანოთ მარტივად ერთი ხელით.

პროცესორის და ეკრანის მერე, უმნიშვნელოვანეს ნაწილს წარმოადგენს ფიზიკური მეხსიერება ანუ „ვინჩესტერი“ მოცულობის გარდა გასათვალისწინებელია ასევე ტექნოლოგიაც. იმ შემთხვევაში თუ ნოუთბუქის ტარება გიწევთ სჯობს აარჩიოთ SSD მეხსიერების მქონე მოწყობილობა, მიუხედავად იმისა რომ ისი მოცულობა ხშირად უფრო მცირეა, იგი უფრო სწრაფია და საიმედოა ვიდრე HDD და ასევე ნაკლებ მგრძნობიარეა ვიბრაციისა და რყევების მიმართ.

პროცესორის მერე ყველაზე მნიშვნელოვან ელემენტს ოპერატიული მეხსიერება წარმოადგენს. აქ სამი მარტივი წესი მოქმედებს:

1. რაც მეტი მით უკეთესი (თან თუ ერთდროულად ბევრი პროგრამის გაშვება და ბევრი ფანჯრის გახსნა გიყვართ);
2. ოთხ ბირთვიან პროცესორს ოპტიმალური მუშაობისათვის სჭირდება 8 გიგაბაიტი ოპერატიული მეხსიერება. თუ ბიუჯეტში შეზღუდული ბრძანდებით, დაიმახსოვრეთ მარტივი წესი: სახლის მარტივ კომპიუტერს 2 GB დააკმაყოფილებს, თამაშების უმრავლესობას მინიმუმ 4 სჭირდება, რთულ და მძლავრ თამაშებს სრულ სიმძლავრეზე მინიმუმ 8 GB;
3. ყველაზე მნიშვნელოვანი: ნებისმიერი პროგრამა თუ თამაში განიცდის განახლებებს რაც ხშირად იმას ნიშნავს, რომ იზრდება ასევე ამ პროგრამების თუ თამაშების სისტემური მოთხოვნები;

მარტივ გამოსავალს წარმოადგეს ისეთი ნოუთბუქის შერჩევა, რომელსაც ოპერატიული და ვიდეო ექნება არა ინტეგრირებული ოპერატიული მეხსიერების ბარათისა და არა ინტეგრირებული ვიდეო დაფის მქონე ნოუთბუქის შეძენა, რომლის შეცვლასაც მომავალში შეძლებთ.

ცალკე სტატიას იმსახურებს ვიდე დაფა ანუ როგორც მას საქართველოში უწოდებენ „ვიდეო კარტა“ როგორც უკვე ვთქვით, სჯობს ისეთი ნოუთბუქი შეარჩიოთ რომელსაც არ ექნება ინტეგრირებული ვიდეო დაფა და მის გაძლიერებას შეძლებთ ცვალებადი სისტემური მოთხოვების შესაბამისად. ვინაიდან ვიდეო დაფა უწინარეს ყოვლისა ყველაზე მნიშვნელოვანია თამაშებისათვის გირჩევთ GeForce GTX 1050, 1050 Ti, 1060, 1070, 1080 ან უფრო მაღალი სერიის ვიდე დაფის შერჩევას თუ რა თქმა უნდა თქვენს ძირითად მიზანს თამაში წარმოადგენს. ბოლო დროს პოპულარულობსა იკრებს ე.წ. გეიმერული ნოუთბუქები, რომელიც ოპტიმიზირებულია სწორედ თამაშებისათვის.

გაითვალისწინეთ ჩვენი რჩევები და შეარჩიეთ ისეთი ნოუთბუქი, რომლითაც მრავალი წლის განმავლობაში იქნებით არა მხოლოდ კმაყოფილი არამედ რომელიც თქვენს დამხმარედ იქცევა ნებისმიერ საქმეში.