როგორ შევარჩიოთ მაცივარი?

მაცივარი სამზარეულოს განუყოფელ ნაწილს წარმოადგენს, თითქმის არავის აქვს დრო ყოველდღიურად სადილის მოსამზადებლად ან საყიდლებზე სასიარულოდ, ხოლო საქართველოს თბილი ჰავის პირობებში აუცილებელია საკვების შენახვა მაცივარში.

მაცივრის შერჩევისას, პირველ რიგში თქვენი ოჯახის ზომა უნდა გაითვალისწინოთ: რაც უფრო დიდი ოჯახი გყავთ მით უფრო დიდი მაცივარი დაგჭირდებათ. მაცივრის ზომაზე მიბმული კამერების რაოდენობა. ძირითადად არსებობს შემდეგი სახის მაცივრები:

• ერთ კამერიანი, მაცივარი, ერთი კარით და პატარა საყინულით შედარებით იაფია, მაგრამ ამავდროულად ნაკლებად კომფორტულია.
• ორკამერიანი მოდელები ორი კარით საშუალებას გაძლევთ აირჩიოთ მაცივრის და საყინულის განყოფილება ნებისმიერი მოცულობა, ასეთი მოდელები ყველაზე გავრცელებული და პოპულარულია.
• 3 კამერიანი მაცივრებისმთავარი უპირატესობაა დამატებითი ტემპერატურის ზონა, რაც გაძლევთ საშუალებას ავირჩიოთ ოპტიმალური ტემპერატურული ზონა პროდუქტის სახეობის მიხედვით.

• 4-5 კამერიანი მოდელები ,,Side-by-Side" შეიძლება მოიცავდეს ინტერგრირებულ ბარს, სველ და მშრალ ზონებს: ბოსტნეულისა და ხილისათვის, ხორცეულის და თევზეულისთვის. ასეთ მაცივრებში ყველა სახის პროდუქციისთვის ოპტიმალური შენახვის პირობებია. ასეთი მაცივრები ყველაზე დიდია და შესაბამისად ძვირია

მორიგ მნიშვნელოვან ფაქტორს, ენერგო მოხმარების კლასი წარმოადგენს: რაც უფრო მაღალია კლასი, მით უფრო ნაკლებ ელ. ენერგიას მოიხმარს. A, B და C კლასები ითვლება ეკონომიურად. არის გაუმჯობესებული ვარიანტიც, ,,A+" და ,,A++" კლასის მაცივრები. თანამედროვე ,,A+" კლასის მაცივრები მოიხმარს 23 %-ით უფრო ნაკლებ ელექტრო ენერგიას, ხოლო ,,A++" კლასის 45 %-ით ნაკლებს ვიდრე ,,A" კლასის.

სწორად შერჩეული მაცივარი დაგიზოგავთ ელ. ენერგიის დანახარჯებს და ასევე უზრუნველყოფს სურსათის შენახვის იდეალურ პირობებს.