პრინტერი კარტრიჯების გარეშე

ინოვაცია, რომელიც ბეჭდვის ხარჯებს მნიშვნელოვნად ამცირებს

სულ ცოტა ხნის წინ, საქართველოს ბაზარზე მორიგი ტექნიკური ინოვაცია გამოჩნდა: პრინტერი კარტრიჯების გარეშე. დიდ საიდუმლოს არ წარმოადგენს, ის რომ პრინტერების მწარმოებლების მოგების ლომის წილი სწორედ კარტირეჯებზე მოდის, როგორც მარჟის ასევე შესყიდვის სიხშირის კუთხით. ხარისხიანი პრინტერი შეიძლება 5-6 წელიწადსაც კი გვემსახუროს, მაგრამ კარტრიჯი ერთ თვეში გათავდეს.

ამით ისარგებლეს რიგმა ხელმარჯვე ოსტატებმა და დაიწყეს მელნის უფრო ტევადი სისტემების დამონტაჟება, კარტრიჯებზე მელნის ავზების დაერთება და ასე შემდეგ. ამიტომ პრინტერების წამყვანმა მწარმოებლებმა, გაითვალისწინეს რა ბაზრის მოთხოვნილება შექმნეს ისეთი პრინტერი, რომელსაც კარტრიჯი სულ არ სჭირდება!

უკარტრიჯო პრინტერებში მარტივად დგება შესაბამისი ფერის მელნის რეზერვუარები, რომელთა გამოცვლაც ისეთივე მარტივია, როგორც კარტრიჯების და ისეთივე ეკონომიურია, როგორც სისტემების დაერთება. კუსტურალი სისტემის დაერთებასთან შედარებით ასეთ გადაწყვეტილებას კიდევ ერთი პლუსი აქვს: მელნის გაჟონვა გამორიცხულია და მელნის რეზერვუარების შეცვლა გაცილებით მარტივია!

ამ სარგებელთან ერთად, Canon-ის ბრენდის პრინტერები ხასიათდება ბეჭდვის მაღალი ხარისხით, რაც გაძლევთ საშუალებას დაბეჭდოთ არა მხოლოდ საბუთები და ფაილები, არამედ ფოტოსურათები და ილუსტრაციებიც. ბეჭდვის ხარისხი მაქსიმალურად მიახლოებულია პროფესიონალურთან და რეალური სხვაობის დაფიქსირება მხოლოდ პოლიგრაფიის ექსპერტს თუ შეუძლია!