სამყარომ ჩვენს გარშემო უდიდესი პროგრესი განიცადა, საყოფაცხოვრებო ნივთებს შორის კი ყველაზე დიდი პროგრესი ალბათ მობილურმა ტელეფონმა განიცადა. მობილური ტელეფონის პროგრესი იზომება არა ათწლეულებით არამედ თვეებით, ნებისმიერი მწარმოებელი ცდილობს აჯობოს არა მხოლოდ კონკურენტს, არამედ საკუთარ წინა მოდელსაც!

მოდით წარმოვიდგინოთ, როგორი შეიძლება იყოს მობილური ტელეფონი მომავალში:
ხმოვანი მართვა უკვე არ წარმოადგენს სიახლეს, თქვენი მობილური ტელეფონი გესაუბრებათ თქვენ. Siri ან Google Assistant ხმოვანი მენეჯერების საშუალებით თქვენ შეგიძლიათ დააყენოთ ტაიმერი თუ მაღვიძარა, განახორციელოთ ზარი ან მოიძიოთ სასურველი ინფორმაცია ინტერნეტში. მაგრამ რა იქნება მომდევნო ნაბიჯი?

სამედიცინო ტექნოლოგიები
ბევრი მობილური ტელეფონი თავსებადია ე.წ. ჭკვიან საათებთან და სამაჯურებთან. ეს მოწყობილობები, ზომავენ პულსს და გავლილ მანძილს, სავარაუდოდ მომავალში ეს ტექნოლოგიები კიდევ უფრო დაიხვეწება და ამ მოწყობილობის საშუალებით მოხდება არტერიული წნევისა თუ სისხლში შაქრის შემცველობის გაზომვა, ხოლო შემდგე ამ მონაცემების დროის რეალურ რეჟიმში სამკურნალო დაწესებულებაში გაგზავნა.

მონაცემების მიმოცვლა
იაპონიაში წარმატებით დაიტესტა მეხუთე თაობის ქსელის ფორმატი სავარაუდოდ მაქსიმუმ 2 წელიწადში მეხუთე თაობის მობილური კავშირი ხელმისაწვდომი გახდება მსოფლიოს მასშტაბით.

აკუმულატორი
ყველაზე კარგი და თანამედროვე მობილურსაც გააჩნია ერთი სუსტი წერტილი: აკუმულატორის თავადობა. მისი გაზრდის გარეშე, წარმოუდგენელია მობილური ტელეფონის შემდეგი განვითარება ვინაიდან ახალი ფუნქციები მოითხოვს სულ უფრო მეტ ენერგიას. სავარაუდოდ მომავალში ბიუჯეტურ და პრემიუმ კლასის სმარტფონებს შორის სხვა დანარჩენთან ერთად ძირეული სხვაობა იქნება აკუმულატორის ტევადობაში, დაახლოებით ისე, როგორც ამჟამად განსხვავდება iPhone-ების ფასი შიდა მეხსიერების მიხედვით.

დრეკადი ეკრანები
ყველა თანამედროვე მობილური ტელეფონი ჰგავს ერთმანეთს, მომავალში კრისტალური ეკრანების ტექნოლოგიების განვითარება დაგვიბრუნებს დიზაინის ფართო არჩევანს. მაგალითად კეცვად ტელეფონებს.

ტელეფონი პულტი
მობილური ტელეფონის საშუალებით უკვე შესაძლებელია სხვა და სხვა საყოფაცხოვრებო ტექნიკის მართვა, მაგალითად გათბობის ჩართვა ან სარეცხი მანქანის რეჟიმის შერჩევა. სულ ახლო მომავალში მობილური ტელეფონის საშუალებით შესაძლებელი გახდება პრაქტიკულად ნებისმიერი საყოფაცხოვრებო ნივთის მართვა, მანქანის დაქოქვა, კარის გაღება.

ციფრული მომავალი
მობილური ტელეფონით უკვე შესაძლებელია გადახდა NFC ტექნოლოგიების გამოყენებით, ასევე თითქმის ნებისმიერი მობილური ახდენს თითის ანაბეჭდისა და სახის ამოცნობას. რიგი ექსპერტები პროგნოზირებენ, რომ მომავალში მობილური ტელეფონი პირადობის დამადასტურებელი საბუთის როლსაც შეასრულებს.

მნიშვნელობა არ აქვს რა მომავალი ელის მობილურ ტელეფონებს, ჩვენს ინტერნეტ მაღაზიაში თქვენ ყოველთვის შეძლებთ უახლესი მოდელის ტელეფონების შეძენას.