სარეცხი მანქანა ჩვენი ცხოვრების განუყოფელ ატრიბუტად იქცა. თანამედროვე სარეცხი მანქანა ზოგავს ელექტრო ენერგიას, წყალს და რაც ყველაზე მნიშვნელოვანია ძვირფას ჩვენს დროს.

იბადება კითხვა: როგორ შევარჩიოთ სარეცხი მანქანა?

პირველ რიგში, უნდა განვსაზღვროთ თუ სად უნდა განთავსდეს სარეცხი მანქანა: უნდა გადავწყვიტოთ გვჭირდება ჩასაშენებელი თუ ცალკე მდგომი სარეცხი მანქანა. გასათვალისწინებელია, რომ ჩასაშენებელი ტექნიკა მიუხედავად იმის, რომ უფრო ორგანულად ეხამება ინტერიერს უფრო ძვირიც არის, ვიდრე ცალკე მდგომი.

ამის მერე ყურადღება უნდა მივაქციოთ ძირითად მახასიათებლებს, ესენია:

• გაბარიტები;
• ხმაურის დონე;
• პროგრამების რაოდენობა;
• ჩასატვირთი სარეცხის მოცულობა.

ეს უკანასკნელი, გახლავთ ყველაზე მნიშვნელოვანი - თუ მარტო ცხოვრობთ პატარა სარეცხი მანქანაც დაგაკმაყოფილებთ, ხოლო დიდ ოჯახს დიდი სარეცხი მანქანა დასჭირდება. დიდი და ტევადი სარეცხი მანქანა ასე დაგეხმარებათ ფარდების და სხვა მოცულობითი სარეცხის რეცხვაში.
რა გასაკვირია რომ რაც უფრო ტევადია სარეცხი მანქანა მით უფრო დიდია მისი გაბარიტები: ამიტომ უნდა განვსაზღვროთ თუ სად დავდგამთ მას და ჩაეტევა ის თუ არა ფიზიკურად თქვენს სააბაზანო თუ სხვა ოთახში.

თუ ჭირვეული მეზობლები გყავთ ან აპირებთ რეცხოთ ღამე საჭიროა შეირჩეს ისეთი სარეცხი მანქანა, რომელსაც ახასიათებს ხმაურის რაც შეიძლება დაბალი დონე.

ბოლო მაგრამ საკმაოდ მნიშვნელოვანი ფაქტორი გახლავთ რეცხვის პროგრამების რაოდენობა, თანამედროვე სარეცხი მანქანები ხასიათდებიან რეცხვის რეჟიმების მრავალფეროვნებით, დაწყებული სწრაფი რეცხვით დამთავრებული დელიკატური ქსოვილებისა და ბავშვის თეთრეულის რეცხვის რეჟიმებით და თეთრეულის გაშრობის ფუნქციით. ასევე ბევრი თანამედროვე სარეცხი მანქანა შეიძლება დავაპროგრამოთ თავადვე; შეარჩიოთ ქსოვილის ტიპი, ტემპერატურა, გაწურვის სიჩქარე და შემდეგ შეინახოთ იგი მომავალი რეცხვებისათვის. ერთ-ერთ სასარგებლო ფუნქციას ასევე წარმოადგენს ტაიმერი: თუ დილით ჩაყრით სარეცხს და დააყოვნებთ რეცხვას შესაბამისი დროით სამსახურიდან მობრუნებულს სარეცხი გარეცხილი დაგხვდებათ და თქვენ მხოლოდ მისი გაფენა დაგჭირდებათ.

ინტერნეტ მაღაზია GIGANT.ge გთავაზობთ სარეცხი მანქანების ფართო არჩევანს საუკეთესო ფასად. ჩვენს ინტერნეტ მაღაზიაში სასურველი ნივთის შეძენა შესაძლებელია, როგორც საბანკო ისე შიდა განვადებით. შეძენილი ნივთის მიწოდება ხორციელდება მთელი საქართველოს მასშტაბით.